Este venres tiven o pracer de cubrir a rolda de prensa de presentación do Festival Viñetas desde o Atlántico 2025 como responsable de comunicación do evento. Acompañamos aos representantes institucionais e ao director do festival, Manel Cráneo, na difusión dunha das edicións máis ambiciosas dos últimos anos, cunha aposta clara pola modernización, a internacionalización e a conexión entre banda deseñada, música e patrimonio.
